ಆಯೋಜನಾ ಸಮಿತಿ

ಅಧ್ಯಕ್ಷರ ನುಡಿಗಳು

ಕನ್ನಡಿಗರು ಇಂದು ಕರ್ನಾಟಕಕ್ಕೆ ಸೀಮಿತವಾಗಿರದೆ ಜಾಗತಿಕವಾಗಿ ಅತಿವೇಗದಲ್ಲಿ ಪಸರಿಸುತ್ತಿದ್ದು , ನಮ್ಮ ನಾಡಿನ ಸಂಸ್ಕೃತಿ, ಕಲೆ ಮತ್ತು ಆಚಾರ-ವಿಚಾರಗಳನ್ನು ಜಗತ್ತಿನ ಮೂಲೆ,ಮೂಲೆಗಳಿಗೆ ಪರಿಚಯಿಸುತ್ತಿದ್ದಾರೆ. ಆದರೆ ತಮ್ಮ ಮುಂದಿನ ಪೀಳಿಗೆಗೆ ತಮ್ಮ ತಾಯ್ನಾಡಿನ ಸಂಸ್ಕಾರ ನೀಡಿ ಕನ್ನಡತನವನ್ನು ವರ್ಗಾಯಿಸುವಲ್ಲಿ ಸೋಲದಿರಲು ನಮ್ಮ ಮಕ್ಕಳಿಗೆ ಕನ್ನಡ ಭಾಷೆ ಕಲಿಸಿ , ಕನ್ನಡ ಸಾಕ್ಷರರನ್ನಾಗಿ ಮಾಡುವುದೊಂದೇ ದಾರಿ .
ಈ ಉದ್ದೇಶದಿಂದಲೇ ಹುಟ್ಟಿಕೊಂಡ “ಕನ್ನಡ ಮಿತ್ರರು ಯು.ಎ.ಇ” ಪ್ರಥಮ ಹೆಜ್ಜೆಯೇ “ಕನ್ನಡ ಪಾಠ ಶಾಲೆ ದುಬೈ”
2014 ರಲ್ಲಿ ಆರಂಭಿಸಿದ ಈ ಪ್ರಯತ್ನಕ್ಕೆ ಅತ್ಯುತ್ತಮ ಪ್ರೋತ್ಸಾಹ ,ದೊರೆತಿದ್ದು ಈ ಪ್ರಯತ್ನವನ್ನ ಕೊಲ್ಲಿ ರಾಷ್ಟ್ರಗಳ ಸಂಪೂರ್ಣ ಪ್ರಾಂತ್ಯಕ್ಕೆ ” ಆನ್ ಲೈನ್ ” ಮೂಲಕ 2023 ರ ಸುಗ್ಗಿ –9 ಆರಂಭವಾಗಲಿದೆ .
ಈ ಶಾಲೆ ಕನ್ನಡ ಸೇವೆಯ ಉದ್ದೇಶದಿಂದ ನಡೆಸುತ್ತಿದ್ದು ಸಂಪೂರ್ಣ ಉಚಿತವಾಗಿದೆ , ಶಾಲೆಗೆ ಶಿಕ್ಷಕಿಯರಾಗಿ ಸೇವೆ ಸಲ್ಲಿಸುತ್ತಿರುವ 20 ಜನರೂ ವೇತನರಹಿತವಾಗಿ ಅನನ್ಯ ಸೇವೆ ಸಲ್ಲಿಸುತ್ತಿದ್ದಾರೆ . ಶಾಲೆಗೆ ಆಧಾರ ಸ್ತಂಭಗಳಾಗಿ 50 ಜನ ಸ್ವಯಂಸೇವಕರು ನಿಸ್ವಾರ್ಥವಾಗಿ ಶ್ರಮಿಸುತ್ತಾ ಬಂದಿರುತ್ತಾರೆ .
ನಮ್ಮ ಕನ್ನಡ ಪಾಠ ಶಾಲೆ ಪ್ರತೀ ವರ್ಷ 500 ಕ್ಕೂ ಹೆಚ್ಚು ಮಕ್ಕಳಿಗೆ ಕನ್ನಡ ಓದಲು ಮತ್ತು ಬರೆಯಲು ಕಲಿಸಿ ಕನ್ನಡ ಸಾಕ್ಷರತೆಯನ್ನು ಸಾಗರದಾಚೆಗೂ ಪಸರಿಸುತ್ತಿದ್ದು ” ಪ್ರಪಂಚದ ಅತಿ ದೊಡ್ಡ ಹೊರನಾಡ ಕನ್ನಡ ಪಾಠ ಶಾಲೆ” ಎಂಬ ಹೆಗ್ಗಳಿಕೆ ಪಡೆದಿರುವದು ಅನಿವಾಸಿ ಕನ್ನಡಿಗರ ಹೆಮ್ಮೆಯಾಗಿದೆ .
ನಮ್ಮ ಧ್ಯೇಯ ವಾಕ್ಯ “ಮಾತೃ ಭಾಷಾ ಸಾಕ್ಷರತೆ ಪ್ರತಿಯೊಬ್ಬ ಕನ್ನಡ ಕಂದನ ಹಕ್ಕು ” ಈ ಕಾರ್ಯಕ್ಕೆ ತಮ್ಮೆಲ್ಲರ ಸಹಕಾರ , ಸಹಾಯ ಮತ್ತು ಶುಭ ಹಾರೈಕೆಯನ್ನು ಕೋರುತ್ತಾ ..

                                                                                                                                                ಶಶಿಧರ್ ನಾಗರಾಜಪ್ಪ